Eingir regluligir tíðindafundir

Eingir regluligir tíðindafundir
Amerikanski forsetin, Donald Trump, er ónøgdur við, hvussu journalistar hava dekkað hesar fundir
 
23.01.2019 - 11:31

Talskvinnan hjá Trump, Sarah Sanders, hevur fingið boð um, at tað ikki longur er stríðið vert at halda regluligar tíðindafundir, har journalistar kunnu seta spurningar.

Á twitter skrivar Trump, at orsøkin til, at Sarah Sanders ikki longur fer á talarastólin er, at pressan er óhøvisk í móti henni, og endurgevur hana óneyvt.

Tað hevur verið alsamt longri millum tíðindafundinrar í Hvítu húsunum síðani Trump flutti inn fyri tveimum árum síðani, og forsetin liggur í orðadrátti við fleiri stór dagbløð og sjónvarpsrásir í USA.

Seinasti vanligi tíðindafundurin, har Sanders svaraði spurningum, varð 18. desember.

3. januar kom Trump púra óvæntað inn í fjølmiðlarúmið, men bara fyri at kunna um marknaeftirlitið, - ikki fyri at svara spurningum. 

Trump leggur framvegis amerikanskar miðlar undir at koma við følskum tíðindum, og at viðgera hann og stuðlar hansara órættvíst.

Trump hevur m.a. lagt Washington Post á ís, - blaðið hevur fakta-kekkað alt, sum forsetin hevur sagt, síðani hann tók við sum forseti. 

Niðurstøðan hjá blaðnum er, at Trump fyrstu tvey árini í Hvítu húsunum bar 8.158 skeivar ella villeiðandi upplýsingar.

Er kopiera
Nýggjastu sendingar í ÚV
Fríggjadag 6. november
Vikuskiftið 6 nov 2026
216044
Fríggjadag 6. november
Eitt korter við jazzi 5. november 2026
216040
Fríggjadag 6. november
LEITISSTEIN 06.11.2026 (Benjamin Rajani)
216031
Nýggjastu sendingar í SV
Fríggjadag 6. november
Veðrið
216045
Fríggjadag 6. november
Dagur og vika - teknmálstulkað
216011
Hósdag 5. november
Veðrið
215981
Hósdag 5. november
Talvið um Tinganes (1:2)
215911
Mikudag 4. november
Hondbóltur: Føroyar - Kosovo
215928