Løkke fær kortini ikki lyklastøðu

bannari
Løkke fær kortini ikki lyklastøðu
Formaðurin í Moderaterne sigur bart út, at valúrslitið í Grønlandi ger, at Mette Frederiksen kann halda fram sum forsætisráðharri
Leingi bendi alt á, at Lars Løkke Rasmussen og Moderaterne fóru at fáa lýklastøðu eftir valið í gjár.
Mynd: Ritzau Scanpix  
 
02.11.2022 - 08:42

Nýggi flokkurin, Moderaterne, hjá Lars Løkke Rasmussen hevði eitt gott val í gjár, og flokkurin er triðstørstur í fólkatinginum við 16 umboðum.

Men flokkurin fekk ikki ta støðu, sum Lars Løkke Rasmussen hevði roknað við, og tá formansumfarið í gjárkvøldið, segði hann onga orsøk vera til at halda, at hann fær litið upp í hendur at gerast samráðingarleiðari.

Síðani flokkurin varð stovnaður 5. juni, hava meiningakanningar víst, at Lars Løkke Rasmussen fór at gera av, hvør verður forsætisráðharri í Danmark. Men soleiðis metti hann ikki støðuna í gjárkvøldið.

Hann segði bart út, at úrslitið av valinum í Grønlandi, fer at tryggja Mette Frederiksen at halda fram sum forsætisráðharri:

 

02112022_Lars_Lokke


Inger Støjberg, sum eisini er fyrrverandi tinglimur hjá Vinstraflokkinum, hevði eitt gott val við nýggja flokkinum, Danmarksdemokratarnir, og fekk 14 tingslimir.

Sostatt hava flokkarnir hjá teimum báðum fyrrverandi vinstrapolittikarunum 30 umboð í fólkatinginum.

Inger Støjberg hevur ikki gjørt viðmerkingar til úrslitið av valinum.

Órógv hevur verið í Danska fólkaflokkinum í langa tíð, og fleiri fólkatingslimir eru farnir úr flokkinum.

Upp undir valið var fleiri ferðir spátt, at flokkurin fór at fáa umboð í fólkatingið.

Men tað helt ikki, og tað gjørdi formaðurin, Morten Messerschmidt, eisini greitt, tá valið var av:

 

Morten Messerschmidt, formaður í Danska fólkaflokkinum.

 

02112022_Messerschmidt

 

Tveir flokkar, sum stillaðu upp, fingu ikki umboð í fólkatingið. Teir vóru Frie Grønne og Kristindemokratarnir.

Forkvinnan í Kristindemokratunum, Marianne Karlsmose, er ikki nøgd við úrslitið:

 

02112022_Karlsmose


Marianne Karlsmose, forkvinna í Kristindemokratunum. 

Er kopiera
Nýggjastu sendingar í ÚV
Týsdag 10. november
Áin (brot)
216037
Mánadag 9. november
Norðurljóð 9.november 2026
215023
Mánadag 9. november
Meðan dunnurnar eta breyð
216036
Mánadag 9. november
RagnarRokk: Morten Toft Hansen um Prisoner
215801
Mánadag 9. november
Møti hjá Brøðrasamkomuni við Tjarnir
216106
Nýggjastu sendingar í SV
Sunnudag 8. november
Bygdarlív 3 - Skálavík
216096
Sunnudag 8. november
Hondbóltur: Montenegro - F'øroyar
216095
Sunnudag 8. november
Møti hjá Heimamissiónini við Tjarnir
216089
Sunnudag 8. november
Andaktin við Anju Bjerkenes
216083