27 bilar mistu pláturnar í nátt

Aftur í nátt hevur politiið tikið nummarplátur av bilum í Havn.

27 bilar mistu pláturnar í nátt.

Akstovan hevur latið politinum 799 mál um eftirstøður í veg- og umhvørvisgjaldi.

Hetta er óvanliga nógvar fráboðanir.

Biðið er um at taka nummarpláturnar av akførum, sum ikki hava goldið veg- og umhvørvisgjald fyri fyrra hálvár 2026.

Kann tann, sum eigur akfarið, ikki vísa kvittan fyri, at veg- og umhvørvisgjaldið er goldið, tekur politiið nummarpláturnar.