Starvsfelagið og Fíggjarmálaráðið samráðast í dag

Samráðingarnar vera í dag millum Fíggjarmálaráðið og Starvsfelagið um nýggjan sáttmála.

Avtala er longu gjørd um, hvussu lønarkarmurin verður ásettur. 

Tí eru samráðingarnar nú bara um sjálv sáttmálaviðurskiftini.

Væntandi verður lønarkarmurin kendur í fyrstu vikuni í oktober, tá endaligu tølini fyri inflatión og produktivitet eru tøk, sigur Starvsfelagið.

12 fakfeløg við

12 fakfeløg gjørdu fyrr í ár fimm ára avtalu við Fíggjarmálaráðið um lønarkarm.

Mánadagin vera samráðingar millum Kommunala arbeiðsgevarafelagið og Starvsfelagið.

Kommunala arbeiðsgevarafelagið er ikki við í avtaluni um lønarkarm.

Galdandi sáttmálar hjá Starvsfelagnum við báðar almennu arbeiðsgevararnar vara til 1. oktober.