Føroyskar røður skulu varðveitast fyri eftirtíðina

Føroyskar røður skulu varðveitast fyri eftirtíðina
Ein ritstjórn hevur sett sær fyri at savna føroyskar røður av øllum slagi á einum stað, so tær kunnu varðveitast og brúkast til íblástur, undirvísing og gransking.
Eydna Skaale er ein av stigtakarunum til foroyskarrodur.fo
 
15.10.2026 - 09:30

Føroyingar hava siðvenju at halda røður til alskyns høvi. Men nógvar røður verða gloymdar, og ofta er torført at finna tær aftur.

Tað vil ein ritstjórn nú gera nakað við. Á heimasíðuni foroyskarrodur.fo skulu bæði gamlar og nýggjar røður savnast og gerast ókeypis atkomiligar hjá øllum.

- Øll kunnu senda inn, tað einasta kravið er, at tað ikki er vitlíki, sum hevur skrivað røðuna, sigur Eydna Skaale, retorikari, sum er í ritstjórnini.

Endamálið er ikki bara at savna kendu politisku røðurnar, men eisini prædikur og røður frá veitslum, hátíðarhaldum, brúdleypum og øðrum høvum.

- Røðurnar kunnu geva okkum eitt serligt innlit í føroyska samfelagið, málið og tey virði, sum hava broytt seg gjøgnum tíðirnar, sigur Eydna Skaale.

Eydna og Torbjørn Jacobsen, sum eisini er við í arbeiðinum, vóru gestir í morgunsendingini og greiddu frá ætlanini og týdninginum av tí góða røðukynstrinum.

Ritstjórnin heitir nú á fólk um at senda røður inn til savnið, sum eftir ætlan skal lata alment upp á flaggdegnum komandi ár.

a_2733-5_SITE01
Er kopiera
Nýggjastu sendingar í ÚV
Sunnudag 8. november
Guðstænasta í Viðareiðis kirkju
216081
Sunnudag 8. november
Filosofiskur 7. partur
216049
Leygardag 7. november
PLÁTUPANELIÐ #43 (1976)
216068
Leygardag 7. november
Jambalaja - 071126
216065
Nýggjastu sendingar í SV
Sunnudag 8. november
Bygdarlív 3 - Skálavík
216096
Sunnudag 8. november
Hondbóltur: Montenegro - F'øroyar
216095
Sunnudag 8. november
Møti hjá Heimamissiónini við Tjarnir
216089
Sunnudag 8. november
Andaktin við Anju Bjerkenes
216083