Sangir úr mínum lívi

Úr Klaksvík til Suðuroyar at spæla til dans 15 ára gamal
14-08-2025
Og skuldi Hallur Joensen sleppa til Suðuroyar at spæla so ungur, skuldi 15 ára gamla stórisysturin við. Og hósdagin kl. 17:05 velur hann sangir úr sínum lívi

Í sendingini Sangir úr mínum lívi, ið verður send beinleiðis í útvarpinum hósdagin kl. 17:05, fer Hallur Joensen at velja nakrar sangir, ið hava havt ein serligan týdning fyri hann. Og talan verður um sangir, sum í sjangruhøpi fevna víða.
Hallur sigur okkum um sítt fyrsta tónleikaminni og um countrytónleikin, sum Hallur tók til sín umvegis pápan, ið elskaði country. Og tá Hank Williams var í útvarpinum ella í Radio Luxembourg var friður við hús.

Hallur nemur eisini við tíðina, tá hann byrjaði sum tónleikari 13 ára gamal í bólkinum Haiko. Og tá Haiko skuldi spæla til dans á fyrsta sinni, var tað í Suðuroy, men tá settu foreldrini sum treyt, at skuldi Hallur til Suðuroyar at spæla, skuldi stórasysturin, sum var 15 ár, við suður. Og hvørja einastu ferð í átta ár fylgdi hon við.

Í sendingini fortelur Hallur okkum um sína egnu tónleikayrkisleið, samstundis sum hann sigur okkum um hví hann hevur valt júst hesar sangirnar til sendingina.

Sangirnir, ið Hallur hevur valt, eru Love Sick Blues við Hank Williams, Hello Josephine við Jerry Jaye, The Boxer við Simon & Garfunkel, Norwegian Wood við The Beatles, Another Brick in the Wall við Pink Floyd, Nobody's Child við Traveling Wilburys og A Groovy Kind of Love við Phil Collins.

Sangir úr mínum lívi, í útvarpinum hósdagin 14. august kl. 17:05.
 

Sangir úr mínum lívi

Sangir úr mínum lívi er heitið á nýggjari sendirøð, sum er á útvarpsskránni í summar. Í sendingini verður tosað við tónleikarar, sum greiða frá sangum, ið hava havt serstakan týdning.

Ymsir vertir í Kringvarpinum skftast um at gera sendingina.  

Hóast Jákup Marnar serliga er kendur fyri at syngja vakrar, stillar sangir, so dámar honum best at lurta eftir hørðum tónleiki. Tað hoyrist aftur í sendingini
28-08-2026
Sum sangari og undirhaldari hevur Niclas Heri Jákupsson roynt eitt sindur av hvørjum. Og hósdagin kl. 17:05 velur hann sangir úr sínum lívi
20-08-2026
Hann hevur sett dám á føroyskan tónleik í útvið 50 ár, men hvør tónleikur hevur skapt Terja?
14-08-2026
Mín størsta tónleikauppliving er Faroe 5 konsertin á lestrargonguni í Keypmannahavn í fjør, sigur Asta Højgaard, sum hósdagin klokkan 17:05 velur sangir úr sínum lívi
06-08-2026
Í hesi sending velur Lyon sangir úr sínum lívi. Sangirnir, ið verða spældir, eru:
30-07-2026
Í 2001 sang Ester Kristiansen skjaldrið Tirpu Tirpu Teiga í sjónvarpssendingini Likkulikkuleia og í 2014 lat hon fyrsta egna sangin úr hondum
16-07-2026
Í hesi sending velur Jan Rúni sangir úr sínum lívi. Sangirnir, ið verða spældir, eru:
09-07-2026
Laila av Reyni elskar at syngja, og hósdagin klokkan 17:05 velur hon sangir úr sínum lívi
02-07-2026
Í hesi sending velur Steintór sangir úr sínum lívi. Sangirnir, ið verða spældir, eru:
01-09-2025
Bjørk Sigurdsdóttir Lamhauge velur sangir úr sínum lívi
21-08-2025
Og skuldi Hallur Joensen sleppa til Suðuroyar at spæla so ungur, skuldi 15 ára gamla stórisysturin við. Og hósdagin kl. 17:05 velur hann sangir úr sínum lívi
14-08-2025
Í hesi sending velur Jasmin Mote sangir úr sínum lívi. Sangirnir, ið verða spældir, eru:
07-08-2025