Í dag eru vit farin ein túr út á bygd, sum vit fara at gera hvønn mikudag í summar. Vit settu okkum í skúlagarðin í Oyndafirði at slikka sól og tosa við oyndfirðingar, meðan Hendrik spákaði sær ein túr í bygdini.

 Árni Vest, Rói Høgnason og Hans Jákup Abrahamsen greiddi frá um lívið í Oyndafirði, har dentur serliga bleiv lagdur á, at har var best at vera.

Hendrik vitjaði Sølvá Vest og Duritu Rógvadóttir Hansen, sum góvu sítt sjónarmið uppá lívið í bygdini.

Og so settu vit hol á okkara roynd at finna tað næsta summarhitti. Í ár hava vit spurt fýra tónleikarir, um teir tíma at gera ein sang, sum teir halda, er tann rætti summarsangurin. Hesa ferð var tað Marius DC, sum gav okkum ein smakk uppá tað, sum vit fara at spæla í sendingini í morgin.