Alt er ikki, sum tað plagar í Keypmannahavn. Søs hevur fingið mannfólkavitjan, og Haraldur er ovurfegin um at hava fingið ein mann í húsið. Kanska kemur hann við á flot ein dag? 

Reportarin Olgar hevur eina samrøðu við tann globaliseraða føroyingin, sum var orsøkin til, at Liverpool gjørdust meistarar. 

Niels fer til handils og fær eitt gott prát við krambúðargentuna. 

Remi og Rosely hava stórar ætlanir um at branda Føroyar í globaliseringini. 

Og sjálvandi eru eisini nógvar aðrar góðar og skemtiligar søgur á skránni.